نئی دہلی، وزیراعظم جناب نریندر مودی کل ممبئی کا دورہ کریں گے۔ وہ ا یشین انفرااسٹرکچر انویسٹمنٹ بینک( اے آئی آئی بی) کی تیسری سالانہ میٹنگ کا افتتاح کریں گے۔ یہ ایک کثیر الا طرافی ترقیاتی بینک ہے جس کا مشن ایشیا اور اس سے باہر سماجی و اقتصادی نتائج کو بہتر بنانا ہے۔ اس سال کی میٹنگ کا موضوع ہے۔‘‘ بنیادی ڈھانچے کے لئے رقوم جوڑنا: جدت طرازی اور اشتراک’’۔ اس موقع پر مختلف تنظیموں اور حکومت کی مختلف سطحوں پر کام کرنے والے لیڈران اپنے خیالات اور تجربات مشترک کریں گے تاکہ ٹھوس بنیادی ڈھانچہ جاتی سرمایہ کاری کے ذریعہ ایک پائیدار مستقبل کی تخلیق کی جاسکے۔
اس سال ایشین انفرااسٹرکچر فورم کا افتتاح بھی ہوگا جس میں انفر ااسٹرکچر پر یکٹشنر ایک عملی اور پروجیکٹ پر مبنی تبادلہ خیال کے لئے جمع ہوں گے جس میں ا نتہائی اہم بنیادی ڈھانچے سے متعلق ضرورتوں کی تکمیل کے لئے جدت طرازانہ فائنانس( رقم کی دستیابی) پر توجہ مرکوز ہوگی۔
بعد میں وزیراعظم بزنس لیڈروں اور صنعتوں کے کپتانوں( قیادت کرنے والوں) سے ملاقات کریں گے تاکہ مختلف امور پر تبادلہ خیال کیاجاسکے۔ ان امور میں اقتصادی ترقی، بنیادی ڈھانچے کا فروغ، پالیسی جاتی اقدامات، سرمایہ کاری، جدت طرازی اور روزگار کے مواقع پیدا کرنا شامل ہیں۔
