نئی دہلی، وزیراعظم جناب نریندر مودی نے انجینئرس ڈے کے موقعے پر انجینئروں کو مبارکباد پیش کی ہے۔ وزیراعظم نے سر ایم وشویشوریہ کے یوم پیدائش پر انہیں خراج عقیدت بھی پیش کیا۔
وزیراعظم نےکہا کہ ‘‘انجینئر کا مطلب ہی سخت محنت اور عزم حوصلہ ہے۔ ان کے اختراعی جوش و جذبے کے بغیر نسل انسانی کی ترقی ادھوری ہے۔ انجینئرس ڈے کے موقعے پر مبارکباد اور سخت محنت کرنے والے تمام انجینئروں کے لیے نیک خواہشات ۔ قابل تقلید انجینئر سر ایم وشویشوریہ کو ان کے یوم پیدائش پر خراج عقیدت پیش کرتا ہوں۔ ’’
