وزیر اعظم نے ویڈیو کانفرنسنگ کے ذریعے رامائن درشنم کی افتتاحی تقریب سے خطاب کیا

نئی دہلی۔12؍جنوری، وزیر اعظم جناب نریندر مودی نے آج ویڈیو کانفرنسنگ کے ذریعے وویکانند کیندر، واقع کنیا کماری میں رامائن درشنم نمائش کی افتتاحی تقریب سے خطاب کیا۔

انھوں نے کہا کہ 12 جنوری کوئی معمولی دن نہیں ہے اور سوامی وویکا نند کی بالیدہ فکر آج بھی کئی اذہان کی رہنمائی کررہی ہے۔ انھوں نے کہا کہ ہندوستان آج ایک نوجوان ملک ہے اور اسے دونوں طرح یعنی روحانی اور مادی طور پر ترقی کرنی چاہئے۔انھوں نے کہاکہ سوامی وویکا نند کے خیالات اور نظریات ہمیشہ نوجوانوں کو تعمیر ملک کی ترغیب دیتے رہیں گے۔

وزیر اعظم نے سنت تھروولوور اور شری ایکناتھ رناڈے کو بھی خراج عقیدت پیش کیا۔ انھوں نے نوجوانوں کو تلقین کو کہ وہ اس امر کوذہن نشین کرلیں کہ سیکھنے کا عمل کبھی ختم نہیں ہوتا۔