نئی دہلی: وزیر اعظم جناب نریندر مودی نے پروفیسر اسٹیفن ہاکنگ کے انتقال پر تعزیت کا اظہار کیا ہے۔
وزیر اعظم نے کہا کہ پروفیسر اسٹیفن ہاکنگ ایک غیر معمولی سائنسداں اور ماہرتعلیم تھے۔ ان کی قوت ارادی،عزم اور صبر واستقلال نے دنیا بھر کے لوگوں کو ایک تحریک دی۔ ان کے انتقال سے ایک بڑا نقصان ہوا ہے۔ پروفیسر ہاکنگ کی غیر معمولی خدمات اور کام نے ہماری دنیا کو ایک بہتر مقام بنادیا ہے۔ وزیر اعظم نے کہا کہ وہ دعا گو ہیں کہ ان کی روح کو تسکین ملے ۔
