نئی دہلی،؍مئی،معروف کھلاڑی محترمہ پی ٹی اوشا نے آج یہاں نوجوانوں کے امور کے اور کھیل کود کے مرکزی وزیر جناب وجے گوئل سے ان کی سرکاری رہائش گاہ پر ملاقات کی۔ محترمہ اوشا نے انہیں 15 جون کو کیرالہ کے کوزی کوڈ میں ان کی نئی اکیڈمی کے افتتاح میں شریک ہونے کی دعوت دی۔ اس اکیڈمی کا نام ’’اوشا اسکول آف ایتھیلیٹکس‘‘ رکھا گیا ہے اور اس میں نئے ایٹھلیٹس کو تربیت دی جائے گی۔
یہ اکیڈمی 30 ایکٹر رقبے پر محیط ہے اور 8.5 کروڑ روپے کی لاگت سے تعمیر کی گئی ہے جو کہ مرکز نے منظور کی ہے۔ اس اکیڈمی میں 8 لین والا سنتھیٹک ٹریک بنایا گیا ہے ، اس کے علاوہ اکیڈمی میں مٹی کا ٹریک، 40 بستروں والا ہاسٹل اور ایک جدید سازوسامان سے لیس جم بھی شامل ہے۔ اس اکیڈمی میں تربیت یافتہ کوچ، جسمانی ورزش کرانے والے ماہرین اور دیگر عہدیدار ہوں گے جو ان کھلاڑیوں کی مدد کریں گے۔
جناب وجے گوئل نے محترمہ اوشا کیلئے نیک خواہشات کا اظہار کیا اور ہر ممکن مدد کا وعدہ کیا تاکہ اکیڈمی میں بہترین صلاحیت کے کھلاڑی تربیت پاکر دنیا میں بھارت کی نمائندگی کریں۔
