نئی دلّی ، ثقافت اور سیاحت کے وزیر مملکت ( آزادانہ چارج ) ڈاکٹر مہیش شرما نے آج لوک سبھا میں ایک سوال کے تحریری جواب میں ایوان کو بتایا کہ حکومت نے اپریل ، 2017 ء سے اپریل ، 2018 ء کے درمیان چمپارن ستیہ گرہ کی 100 ویں سالگرہ کی یاد منانے کا فیصلہ کیا ہے ۔ وزیر داخلہ کی سربراہی میں ایک قومی نفاذ کمیٹی ( این آئی سی ) تشکیل دی گئی ہے ۔ اس یادگار کی افتتاحی تقریب کا انعقاد 10 اپریل ، 2017 ء کو دلّی میں کیا گیا تھا ۔
وزیر اعظم جناب نریندر مودی کے ذریعے 2015 ء میں بہار کے لئے اعلان کردہ خصوصی پیکیج کے تحت بہار میں گاندھی سرکٹ کو فروغ دینے کے لئے ایک پروجیکٹ کی نشاندہی کی گئی تھی ۔ بہار میں 4465.02 لاکھ روپئے کی مرکزی مالی امداد کے ساتھ سودیش درشن اسکیم کے موضوع پر گاندھی سرکٹ کے فروغ : بھیتی واڑہ – چند راہیا – ترکولیا دیہی سرکٹ کے پروجیکٹ کو منظوری دی گئی تھی ۔ اس کے لئے سیاحت کی وزارت نے پہلی قسط کے طور پر 893.00 لاکھ روپئے جاری کر دیئے ہیں ۔
