نئی دہلی،کویٹ انڈیا موومنٹ (ہندستان چھوڑو تحریک) اور آزاد ہند فوج کی 75 ویں سالگرہ کے موقع پر ثقافت اور سیاحت کے مرکزی وزیر مملکت ڈاکٹر مہیش شرما نے آج نئی دہلی میں جنپتھ میں واقع نیشنل آرکائیوز آف انڈیا میں ایک نمائش ‘کویٹ انڈیا اور آزاد ہند فوج- 75 ویں سالگرہ (1942-2017) کا افتتاح کیا۔ اس موقع پر اظہار خیال کرتے ہوئے ڈاکٹر شرما نے کہا کہ کویٹ انڈیا مومنٹ بھارت کی آزادی کی تحریک میں ایک اہم سنگ میل تھا جس نے پورے ملک کو برطانوی راج سے آزادی حاصل کرنے کے لئے پرعز م بنادیا۔ لاکھوں ہندستانیوں نے مہاتما گاندھی کی اپیل’کرو یا مرو’ کے نعرہ پر مثبت ردعمل کا اظہار کیا ۔ گاندھی جی اور ممتاز مجاہدین آزادی کے لیڈروں کو 9 اگست 1942 کو گرفتار کرلیا گیا تھا۔ ڈاکٹر شرما نے کہا کہ وزیراعظم نریندرمودی نے 3 جولائی2017 کو اپنے ‘من کی بات ’ پروگرام میں کہا تھا کہ ہماری نوجوان نسل کو جان لینا چاہئے کہ 9 اگست 1942 کو کیا ہوا تھا۔ یہ نمائش اس طرح کی کوشش کی ایک جھلک ہے۔
مذکورہ نمائش یکم ستمبر 2017 تک جاری رہے گی اور یہ نمائش سرکاری ریکارڈس ، پرائیوٹ دستاویزات، فوٹو گرافس، اخباروں کی رپورٹیں اور برطانوی حکومت کے ذریعہ ممنوع قرار دیئے گئے لٹریچر پر مبنی ہے جو آزادی کی تحریک کے آخری مرحلے کے دوران باہرآئی تھیں ۔ اس نمائش میں کچھ اصل دستاویزا ت کی بھی نمائش کی گئی ہے۔
نمائش 4 زمروں پر محیط ہے۔
1، کویٹ انڈیا مومنٹ کی تمہید
2۔ حقیقی تحریک
3۔ تحریک کے اثرات
4۔ انڈین نیشنل آرمی اور آزاد ہند فوج
