نئی دہلی، ڈیفنس انوویشن آرگنا ئزیشن ( ڈی آئی او ) کے زیر ِ اہتمام چلائے جا رہے ڈیفنس انڈیا اسٹارٹ اَپ چیلنج ( ڈی آئی ایس سی ) کے لئے درخواست دینے کی آخری تاریخ میں 31 اکتوبر ، 2018 ء تک توسیع کر دی گئی ہے ۔
ڈیفنس انوویشن آرگنائزیشن ( ڈی آئی او ) کے ذریعے وزارت دفاع کے محکمہ دفاعی پیداوار اور اٹل انوویشن مشن ، نیتی آیوگ کے تعاون سے ڈیفنس انڈیا اسٹارٹ اَپ چیلنج شروع کیا گیا ہے ۔ اس کا مقصد دفاعی عمدگی کے لئے جدت طرازی ( آئی ڈی ای ایکس ) اسکیم شروع کرنا ہے ۔
وزیر دفاع محترمہ نرملا سیتا رمن نے 4 اگست ، 2018 ء کو ‘‘ ڈی آئی ایس سی ’’ شروع کیا تھا اور ہندوستان کے دفاعی اداروں کی مخصوص تکنیکی ضرورتوں کی تکمیل کے لئے تجاویز طلب کی تھیں ۔ درخواست دہندگان ( اسٹارٹ اَپ / ایم ایس ایم ای اور افراد ) ، جو درج ذیل شعبوں میں موجودہ ٹیکنا لوجیوں یا عملی طور پر دفاعی پیداوار کی صلاحیت ، ارادہ اور عزم رکھتے ہیں ، انہیں 1.5 کروڑ روپئے تک دیئے جائیں گے ۔
وزارت دفاع کے ذریعے دیئے گئے بیان میں ڈیفنس انڈیا اسٹارٹ اَپ چیلنج کو دو مسئلے در پیش ہیں ، جن کا حل انڈین اسٹارٹ اَپ اقتصادی نظام کے ذریعے مہیا کرایا جانا ہے ۔ اس مسئلہ کے حامل شعبے حسب ذیل ہیں :
- بلٹ اِن سینسر کے ساتھ افرادی حفاظتی نظام
- اسلحہ کا شعبہ
- III. کاربن فائبر وائنڈنگ ( سی ایف ڈبلیو )
- ایکٹیو حفاظتی نظام ( اے پی ایس )
- محفوظ ہارڈ ویئر پر مبنی آف لائن اِنکرپٹ یا گائڈڈ سکیورٹی کے آلات
- 4 جی / ایل ٹی ای کی تیاری پر مبنی ٹیکٹیکل لوکل ایریا نیٹ ورک
- جدید ٹیکنا لوجی پر مبنی پانی کا کھارا پن دور کرنے کا نظام اور بلگے آئلی واٹر سیپریشن پروگرام
- لاجسٹکس اور ایس سی ایم میں آرٹیفیشل انٹلی جنس
- بغیر آدمی والے زمینی اور زیرِ آب وہیکلس
- دور دراز علاقوں سے چلائے جا رہے طیارے یا وہیکلس
- لیزر شعاعوں کا حامل اسلحہ
درخواست دہندگان 31 اکتوبر ، 2018 ء تک آن لائن فارم میں aim.gov.in/idex پر اپنی درخواست جمع کر ا سکتے ہیں ۔
