نئی دہلی،12 مئی، صدر جمہوریہ ہند جناب پرنب مکھرجی نے آج (12 مئی 2017) راشٹرپتی بھون میں نرسوں کے بین الاقوامی دن کے موقع پر نرسنگ سے وابستہ عملے کو نیشنل فلورینس نائٹ اینگل ایوارڈ عطا کئے۔
ا س موقع پر اظہار خیال کرتے ہوئے صدر جمہوریہ نے کہا کہ ہندستان میں نرسیں حفظان صحت کے قومی نظام میں سب سے آگے ہیں۔ حفظان صحت کے شعبے میں ان کا تعاون مرکزی حیثیت کا حامل ہے۔ ترقی پذیر ممالک جیسے ہندستان میں کم لاگت میں اعلی معیار کی صحت خدمات فراہم کرنے میں نرسوں اور دایوں کی کلیدی اہمیت ہے۔ ان کی خدمات پر ہمارے ملک کو فخر ہے۔ 20 ویں صدی اور اکیسویں صدی کی پوری مدت کے دوران نرسنگ خدمات کے معیار میں جو بہتری آئی ہے اور ملک کے دیہی اور شہری دونوں علاقوں میں لوگوں کی عمر بڑھانے اور بچوں و ماؤں کی شرح اموات کو کم کرنے میں زبردست کامیابی ملی ہے۔ اس کے لئے معیاری نرسنگ خدمات کا بے حد شکریہ!
صدر جمہوریہ نے کہا کہ حفظان صحت کی بدلتی ہوئی ضروریات کےمطابق ہمیں معیار بنانے کی ضرورت ہے ۔ علاوہ ازیں اپنی صلاحیتوں کو جدید تر بنانا ہے۔ ہمارے ملک کو آنے والے صحت خدمات کے چیلنجوں کی جناب فوری طور پر توجہ دینے کی ضرورت ہے۔ انہیں یہ دیکھ کر خوشی ہوئی کہ قومی صحت پالیسی 2017 میں جدید کاری اور نرسنگ میں ایک نئی رفتار دینے کی بات کہی ہے۔
انہوں نے کہا کہ جب ہندستانی نرسیں قومی اور بین الاقوامی سطح پر نمایاں کردار ادا کررہی ہیں ہمیں اپنے ملک میں مناسب پیشہ ورانہ ترقی اور انسانی وسائل کی پالیسیوں کو یقینی بنانے کی ضرورت ہے۔ مزید برآں پالیسی ترقی میں نرسوں کی بڑھی ہوئی شمولیت کی ضرورت ہے۔ آج طبی اور حفظان صحت کے پیچیدہ عمل کی مانگ ہے کہ نرسوں کو منصوبہ بندی ، نفاذ ، ترقی اور کلی طور پر شامل کیا جائے۔
