یاتریوں کو چار دھام کے ساتھ بی جی رابطے کے علاوہ تیز تر ، محفوظ اور آرام دہ کنکٹیویٹی حاصل ہونی چاہیئے : جناب پیوش گوئل

نئی دلّی: یاتریوں کو چار دھام کے ساتھ  آخری حد تک  ایک تیز تر ، محفوظ اور آرام دہ کنکٹیویٹی  حاصل ہونی چاہیئے ۔ یہ بات  ریلوے  ، کامرس و صنعت   ، صارفین کے امور  ، خوراک  اور تقسیمِ عامہ  کے وزیر  جناب پیوش گوئل نے  چار دھام پروجیکٹوں کے لئے   آخری حد تک کنکٹیویٹی کے منصوبوں کا  جائزہ لیتے ہوئے کہی ۔

         وزیر موصوف نے  متعلقہ عہدیداروں  کو ہدایت دی کہ وہ شہریوں کے آرام اور تحفظ کو ذہن میں رکھتے ہوئے تمام  متبادل  پر تفصیلی  جائزہ  لیں ۔  انہوں نے کہا کہ  آخری  مرحلے تک کنکٹیویٹی کے لئے  دستیاب تمام  متبادلوں  کی لاگت  وغیرہ  کے ساتھ  تفصیلی جائزہ لیا جانا چاہیئے تاکہ پروجیکٹوں کو مکمل کیا جا سکے ۔

         وزیر موصوف نے کہا کہ سیاحت کی ضروریات اور   یاتریوں کے  محفوظ    طریقے  سے وقت پر  مندروں پر پہنچنے   میں آسانی  کو مد نظر رکھتے ہوئے  ، پروجیکٹوں کی جامع منصوبہ بندی کی ضرورت ہے ۔

         قابلِ ذکر ہے کہ  چار دھام یعنی یمنوتری ، گنگوتری ، کیدار ناتھ اور بدری ناتھ  کے لئے نئی بی جی ریل کنکٹیویٹی   کا قطعی مقامی سروے (ایف ایل ایس ) مکمل ہونے کے قریب ہے ۔

         کیدار ناتھ اور بدری ناتھ  کے لئے ریل کنکٹیویٹی  کرن پریاگ اسٹیشن سے  شروع ہو گی  ، جو  پوری رفتار سے جاری زیر تعمیر  نئی  بی جی ریل لائن ، 125 کلو میٹر طویل   رشی کیش – کرن پریاگ   پروجیکٹ کا ایک حصہ ہے ۔ گنگوتری اور یمنوتری ریل کنکٹیویٹی کا آغاز موجودہ ڈوئی والا اسٹیشن سے ہو گا ۔  چار دھام بی جی  ریل کنکٹیویٹی سروے کے مطابق  نئی بی جی ریل لائن   کے خاتمے کا اسٹیشن   بار کوٹ  ، اتر کاشی ، سون پریاگ  اور جوشی مٹھ  پر ہو گا ، جو  چار دھام مندروں  پر سیدھی چڑھائی کی وجہ سے  کچھ دوری پر واقع ہیں  ۔

         سیاحت کی ضروریات کو پورا کرنے  اور  یاتریوں کے  محفوظ   رہتے ہوئے  وقت پر  مندروں پر پہنچنے   میں آسانی  کو یقینی بنانے کی خاطر رینی ساں انجینئرنگ سروے  ( آر ای ایس ) کے ذریعے  ریلوے ٹرمنل اسٹیشنوں سے دھام   ( مندروں ) کے لئے  منصوبہ تیار کر رہی ہے ، جو ماحول دوست  ، محفوظ  اور اس کے ساتھ ساتھ سیاحوں کے لئے  دلچسپی کا باعث ہو گا ۔

         پورےملک سے بڑی تعداد میں یاتری  چار دھام جاتے ہیں  اور بڑی تعداد میں غیر ملکی  اور گھریلو سیاح  اترا کھنڈ ریاست  میں  کوہ پیمائی  کےلئے آتے ہیں ۔   موجودہ سڑک   کنکٹیویٹی   پہاڑوں کی  ڈھلانوں  سے ہوتے ہوئے گزرتی ہے  ، جس میں  تحفظ اور  رفتار   سے متعلق  کچھ خامیاں ہیں ۔ ان چار دھاموں پر ریل کنکٹیویٹی سے   ، وہاں کا سفر  زیاہ محفوظ ، کم خرچ ، آرام دہ  ، ماحول دوست اور  ہر موسم میں  کیا جا  سکے گا ۔