نئی دہلی، 16 اپریل 2017؛ درج فہرست ذاتوں اور دیگر پسماندہ طبقات / ڈینوٹیفائڈ، خانہ بدوش، نیم خانہ بدوش طلبا سے متعلق 14 اسکالرشپ اسکیموں کے تحت 3.54 کروڑ طلبا کو ڈیجیٹل ادائیگی کے تحت اسکالرشپ دیئے گئے ہیں۔ سبھی اسکالرشپ طلبا کے بینک کھاتے میں جاری کیے گئے ہیں اور 60 فیصد درج فہرست ذات کے طلبا کے بینک کھاتے آدھار سے منسلک ہیں۔ یہ اطلاع سماجی انصاف اور تفویض اختیارات کے وزیر جناب تھاور چند گہلوت نے ایک پریس کانفرنس سے خطاب کرتے ہوئے دی۔ اسکالرشپ ، طلبا کے لیے ہاسٹل، کوچنگ سہولیات، اداروں اور ان کے احاطوں کے قیام اور ان کی تجدید کاری کے ذریعہ درج فہرست ذات کو تعلیمی اعتبار سے بااختیار بنایا جاتا ہے۔ سماجی انصاف اور تفویض اختیارات کی وزارت مختلف قسم کے سات اسکالر شپ نافذ کرتی ہے۔
