نئی دہلی، جناب این کے سنگھ چیئر مین کی قیادت میں 15 واں مالیاتی کمیشن 29 جنوری سے یکم فروری ، 2019 ء کے دوران ریاستِ پنجاب کا دورہ کرے گا ۔ کمیشن کے ذریعے دورہ کئے جانے والی ریاستوں میں یہ 17 ویں ریاست ہے ۔
یہ کمیشن اپنے دورے کا آغاز پنچایت راج اداروں اور شہری مقامی اداروں ( یو ایل بی ) کے نمائندگان کے ساتھ میٹنگوں کے اہتمام کے ساتھ کرے گا ۔ بعد ازاں ، ریاست کی سیاسی پارٹیوں کے نمائندگان کے ساتھ بھی ایک میٹنگ کا اہتمام کیا جائے گا ۔ کمیشن اگلی تاریخوں میں پنجاب کے وزیر اعلیٰ کی قیادت میں ریاستی حکومت کے ساتھ تفصیلی میٹنگ کا اہتمام کرے گا ، جس میں ریاست کے دیگر کابینہ وزراء اور سینئر افسران بھی موجود ہوں گے ۔
یہ کمیشن امرتسر بھی جائے گا ، جہاں کمیشن تجارت و صنعت کے ریاستی نمائندگان سے میٹنگ کا اہتمام کرے گا ۔ کمیشن ریاست میں رونما ہونے والے ترقیاتی کاموں کا جائزہ لینے کے لئے مختلف مقامات کا بھی دورہ کرے گا ۔
پنجاب پر اپنے دورے پر روانہ ہونے سے قبل کمشین نے پنجاب کے اے جی ، پنجاب کے چیف سکریٹری اور ریاستِ پنجاب سے متعلقہ معاملات کے سلسلے میں مرکزی حکومت کے ساتھ بھی تفصیلی ملاقاتوں کا اہتما م کیا ہے ۔
