نئی دہلی، بھارت کے 51 ویں بین الاقوامی فلم فیسٹیول کا آغاز 16 جنوری 2021 کو تھامس ونٹر برگ کی فلم اناودر راؤنڈ کے بھارتی پریمئر سے ہوگا۔ اس فلم میں اہم رول کانس کے بہترین اداکار کے ایوارڈ یافتہ میڈز میکیلسن نے ادا کیا ہے، اس کے علاوہ ایفی میں دیگر فلمیں بھی دکھائی جا رہی ہیں۔ یہ فلم آسکر کے لیے ڈینمارک کی باقاعدہ نامزد فلم بھی ہے۔
اس فیسٹیول میں مہرالنسا فلم کی بھی نمائش کی جائے گی۔ یہ فلم سندیپ کمار کی ہے اور اس میں فرخ جعفر نے ایک زبردست کردار ادا کیا ہے۔ یہ فلم ایک خاتون کے زندگی بھر کے خواب کی کہانی ہے۔
اس فیسٹیول کا اختتام کیوشی کوروساوا کی فلم وائف آف اے اسپائی کے بھارتی پریمئر کے ساتھ 24 جنوری 2021 کو ہوگا، جو ایک تاریخی ڈرامہ ہے۔
51ویں ایفی کا انعقاد گوا میں 16 سے 24 جنوری 2021 کے درمیان کیا جا رہا ہے۔ پہلی مرتبہ ایسا ہے کہ اس فیسٹیول کا انعقاد آن لائن اور بذات خود تجربے پر مبنی ہے۔
اس فیسٹیول کے لیے میڈیا رجسٹریشن حال ہی میں شروع ہوئی ہے جو 10 جنوری 2021 تک جاری رہے گی۔ درخواست دہندگان کو یکم جنوری 2021 تک 21 سال سے زیادہ عمر کا ہنا چاہیے اور بین ایفی جیسے بڑے بین الاقوامی فلم فیسٹیولز کی رپورٹنگ کا پیشہ ورانہ تجربہ کم سے کم تین سال ہونا چاہیے۔
