نئی دہلی، جولائی / پانی کے تحفظ اور پانی کے بندوبست جیسے اہم معاملوں میں بھارت کے لوگوں کو مصروف عمل رکھنے کی ایک کوشش کے تحت آبی وسائل ، دریائی ترقیات اور گنگا احیا کی وزارت نے ‘‘ جل بچاؤ ، ویڈیو بناؤ ، پُرسکار پاؤ ’’ نامی ایک ویڈیو مقابلے کا آغاز کیا ہے ۔
وزارت نے مقابلہ چلانے کے لئے حکومت ہند کے پورٹل MyGov کے ساتھ شراکت داری کی ہے ۔ کل MyGov کے ذریعے شروع کیا گیا یہ مقابلہ 4 نومبر ، 2018 ء تک جاری رہے گا ۔ مقابلے کے فاتحین کا انتخاب ہر 15 دن میں کیا جائے گا ۔
مقابلے میں کوئی بھی بھارتی شہری یو ٹیوب پر اپنے ویڈیو اندراجات اَپ لوڈ کر سکتا ہے اور MyGovمقابلہ پیج www.mygov.in کے ویڈیو لنک سیکشن پر قابل رسائی لنک پر انٹر کر سکتا ہے ۔
مقابلے میں شرکت کرنے والوں کی جیت کا فیصلہ تخلیقیت ، اصلیت ، کمپوزیشن ، تکنیکی امتیاز ، فنی خوبی ، ویڈیو کے معیار ، مشمولات اور ویژوول اثرات کی بنیاد پر کیا جائے گا ۔ انعام کی رقم پہلی ، دوسری اور تیسری پوزیشن کے لئے بالترتیب 25000 ، 15000 اور 10000 روپئے ہے ۔
