نئی دہلی۔ سینٹرل پبلک ورکس ڈپارٹمنٹ (سی پی ڈبلیو ڈی) کےڈائرکٹر جنرل جناب پربھاکر سنگھ کو انسٹی ٹیوشن آف انجینئرس (انڈیا ) نے انجینئرنگ اور ٹیکنالوجی کے شعبے میں ان کی ممتاز اور مثالی خدمات کے اعتراف میں ’ممتاز انجینئر ایوارڈ برائے 2019‘ کے لئے منتخب کیا ہے۔
یہ موقر اور مقتدرایوارڈ، انہیں 15ستمبر 2019 کو، نئی دہلی میں ، ’انجینئرس ڈے‘ کے موقع پر تفویض کیا جائیگا۔
جناب پربھاکر سنگھ آئی آئی ٹی گریجویٹ اور بھارت کے ایک مقتدر بزنس انسٹی ٹیوٹ سے ایم بی اے ڈگری یافتہ ہیں ۔ انہوں نے ممتاز ٹیکنوکریٹ کے طور پر ملک کی ازحد لگن اور ایمانداری سے خدمت کی ہے اور اپنا زبردست تعاون دیا ہے۔ موصوف مرکزی حکومت کے مقتدر انجینئرنگ ادارے سی پی ڈبلیو ڈی کے تغیر میں بھی اہم کردار ادا کرچکے ہیں۔
