نئیدہلی: انسانی وسائل کے ترقی کے مرکزی وزیر جناب رمیش پوکھریال نشنک نے آج نئی دلی میں دلی یونیورسٹی کے تقسیم اسناد کے 96 ویں سالانہ جلسے سے خطاب کیا ۔اس موقع پر یونیورسٹی گرانٹس کمیشن کے چیئر مین پروفیسر ڈی پی سنگھ اور یونیورسٹی آف دلی کے وائس چانسلر پروفیسر یوگیش کمار تیاگی بھی موجود تھے۔
اس سالانہ جلسے میں یونیورسٹی کے تقریباََ تین لاکھ طلبا کو ان کی غیر موجودگی میں ، اور 592 ڈاکٹورل ڈگریاں ،86ڈی ایم / ایم سی ایچ ڈگریاں ان کی موجودگی میں عطا کی گئیں۔ نیز 305سے زیادہ تمغے / انعامات عطا کئے گئے ۔اس جلسے میں 18-2017 اور 19-2018 کے دو تعلیمی برسوں کی ڈگریاں عطا کی گئیں۔
اس موقع پر اظہار خیال کرتے ہوئے جناب رمیش پوکھریال نشنک نے طلبا کی غیرمعمولی کارکردگی اور اس ادارے کو نمایاں سطح پر لے جانے میں معاون تمام لوگوںکی کوششوںکو سراہا ۔ وزیر موصوف نے طلبا کی ان کے مقاصد حاصل کرنے کے تئیں ان کی ایمانداری ، بے باکی اور نڈر پن کی حوصلہ افزائی کی ۔انہوں نے طلبا کی ایک نئی سطح کی توانائی ،تازہ جوش وخروش اور نئی سمت پر کامزن ہونے کے لئے بھی حوصلہ افزائی کی ۔ جناب نشنک نے یونیورسٹی کو ان حصولیابیوںپر مبارکباد دی اور 2022 میں اس کے 100سال پورے ہونے پر مزید خطابات جیتنے کی امید کا اظہار کیا۔
یونیورسٹی آف دلی کے وائس چانسلر پروفیس یوگیش کمارتیاگی نے انعام حاصل کرنے والے سبھی افراد کو مبارکباد دی اور کہا کہ 1922 میں جب سے یہ یونیورسٹی آف دلی قائم کی گئی ہے ، اس نے لگاتار ترقی کی منازل طے کی ہیں ۔ یہ یونیورسٹی تقریباََ 750 طلبا سے شروع ہوئی تھی ۔آج اس میں تقریباََ سات لاکھ طلبا ہیں۔دلی یونیورسٹی سے فارغ التحصیل افراد کی نہ صرف ایک بڑی تعداد ہیں بلکہ یہ ہونہار اور درخشاں طلبا کا مرکز رہی ہے ۔ بھارت کے وزیراعظم اور چیف جسٹس بھی ہماری یونیورسٹی سے فارغ التحصیل ہیں، لہٰذا دلی یونیورسٹی کی 96.6 فیصد نمبروں کے ساتھ یہاں سے فارغ اتحصیل افراد کی تعداد کے اعتبار سے عالمی کیو ایس درجہ بندی میں 21 ویں پوزیشن ہے ۔ ہمیں اس کنبے پر فخر ہے اور ہم ان سبھی کے لئے نیک خواہشات پیش کرتے ہیں۔
یوجی سی کے چیئر مین پروفیسر ڈی پی سنگھ نے حاضرین جلسہ کو تعلیم کی اقدار اور اس کے فوائد سے آگاہ کیا جس کی وجہ سے سماج مجموعی طور پر ترقی کرتا ہے ۔یونیور سٹی سے فارغ التحصیل دو شخصیتوں پروفیس مہیش ورما ( وی سی ،جی جی ایس آئی پی یونیورسٹی ) اور جناب رجت شرما ( چیئر مین اور ایڈیٹر ان چیف ،انڈیا ٹی وی ) کو جناب نشنک اور وائس چانسلر نے استقبالیہ دیا۔
