بھارت میں کووڈ-19 ٹیکہ کاری کی مجموعی تعداد 219 کروڑ 63 لاکھ سے تجاوزکرگئی

آج صبح 7 بجے تک موصولہ عبوری رپورٹ کے مطابق بھارت میں کووڈ-19سے بچاؤ کے لئے ٹیکہ کاری کی مجموعی تعداد  219کروڑ 63   لاکھ  (2,19,63,57,449) سے تجاوز کر گئی ہے۔

12سے 14سال کے نوعمرنوجوانوں میں کووڈ-19 ٹیکہ کاری  کا  آغاز 16   مارچ   2022 سے کیا  گیا  ہے۔  اس عمر کے  بچوں کو اب تک 4  کروڑ 12   لاکھ  سے زیادہ  (4,12,47,850)  کووڈ -19 سے بچاؤ کا پہلا ٹیکہ لگایا جاچکا ہے۔ اسی طرح،  18 سے 59 سال کی عمر کے افراد کو احتیاطی خوراک کا ٹیکہ لگانے  کا آغاز 10 اپریل 2022 سے  کیا گیا۔

آج صبح 7 بجے تک  حاصل عبوری رپورٹ درج ذیل کے مطابق ہے:

سردست   ملک بھر میں زیر علاج مریضوں کی تعداد 18,317ہے ۔  زیر علاج مریضوں کی تعداد  ملک بھرکے مجموعی  متاثرہ معاملوں کا   0.04     فیصد ہیں ۔

ملک بھر میں­­­­­­ شفایابی کی شرح  98.77  فیصد ہوگئی ہے۔ پچھلے 24 گھنٹے میں  2,081 مریض روبہ صحت ہوئے ہیں۔ اس کے ساتھ ہی (عالمی وباپھوٹ پڑنے کے بعد سے ) اب تک شفایاب ہونے والوں کی مجموعی تعداد 4,41,04,933  ہوگئی ہے۔

گزشتہ 24 گھنٹے کے دورا ن 1,604نئے معاملے درج ہوئے ہیں۔

گذشتہ 24 گھنٹے میں مجموعی طور پر  1,57,218   کووڈ-19 کے نمونوں کی جانچ کی گئی ۔ بھارت میں  اب تک مجموعی طور پر 90 کروڑ 08  لاکھ (90,08,82,915)  سے زیادہ نمونوں کی جانچ کی جاچکی ہے۔

ملک بھر میں سردست متاثرپائے جانےوالےافراد کی ہفتہ وار شرح سردست 1.08 فیصد ہوگئی ہےاور  ایک دن میں جانچ کے بعد متاثر پائےجانے والے افراد کی شرح  1.02  فیصد ہے۔