نئی دہلی،؍مئی ،ہندوستان کی قومی شاہراہوں کی اتھارٹی نے تمل ناڈو میں کامراج بندرگاہ کےنزدیک پونیری صنعتی نوڈ علاقے میں کثیر جہتی لوجسٹک پارک کی ترقی کیلئے آج نئی دلی میں تمل ناڈو انڈسٹریئل ڈیولپمنٹ کارپوریشن لمیٹیڈ (ٹڈکو) کے ساتھ ایک مفاہمت نامے پر دستخط کئے۔ یہ دستخط سڑک ٹرانسپورٹ اور شاہراہوں اور جہاز رانی کے مرکزی وزیرجناب نتن گڈکری اور تمل ناڈو حکومت کے صنعتوں کے وزیر جناب ایم سی سمپت کی موجودگی میں کئے گئے۔ اس موقع پر اظہار خیال کرتےہوئے جناب گڈکری نے کہاکہ یہ ملک میں ایک مربوط کثیر جہتی ٹرانسپورٹ بنیادی ڈھانچے کی ترقی کیلئے ایک اہم سمجھوتہ ہے۔
سڑک، ٹرانسپورٹ اور شاہراہوں کی وزارت چنئی خطے کیلئے 1295کروڑروپے کی سرمایہ کاری سمیت 33ہزارکروڑروپے کی لاگت سے پورے ہندوستان کے 15مقامات پر اپنےلاجسٹکس ایفی شیئنسی ان ہینس منٹ پروگرام کےتحت کثیر جہتی لوجسٹک پارک بنانے کا منصوبہ بنا رہی ہے۔ مجوزہ لوجسٹکس پارک مجموعی طورپر کرائے بھاڑوں کی لاگت میں کمی کریں گے، گاڑیوں کی آلودگی اوربھیڑ بھاڑ کو کم کریں گےاور وائرہاؤسنگ لاگت کو کم کر سکیں گے۔
