نئی دہلی، وزیر اعظم کی اقتصادی مشاورتی کونسل (ای اے سی – پی ایم) کی چوتھی میٹنگ ای اے سی-پی ایم کے چیئرمین اور نیتی آیوگ کے ممبر ڈاکٹر وویک اوبرائے کی صدارت میں 12فروری 2018 کو منعقد ہوئی۔
حکومت کی طرف سے 2018-19 کے بجٹ میں، جو یکم فروری 2018 کو پارلیمنٹ میں پیش کیا گیا تھا، اعلان کردہ صحت سے متعلق قومی صحت اسکیم کو ذہن میں رکھتے ہوئے ای اے سی- پی ایم نے اس اسکیم پر عمل درآمد کی امکانی جزئیات پر تبادلہ خیال کیا۔
ای اے سی- پی ایم کے جزوقتی ممبر ڈاکٹر شمیکا روی نے ’’صحت کی اصلاحات‘‘ کے موضوع پر ایک مقالہ پیش کیا۔ ای اے سی- پی ایم کے ایک اور جزوقتی ممبر ڈاکٹر آشیما گوئل نے بھی ایک مقالہ پیش کیا، جس کا موضوع تھا ’’ہندوستانی مالی فریم ورک: غلبہ یا تعاون‘‘۔ ہندوستانی کی سرکردہ ماہر اقتصادیات محترمہ پونم گپتا نے ’’ہندوستانی معیشت کے بارے میں عالمی بینک کی رپورٹ‘‘ کے موضوع پر ایک مقالہ پیش کیا۔
