نئی دہلی، مرکزی وزری مملکت برائے مالیات جناب شیو پرتاپ شکلانے لوک سبھا کے ایک سوال کے تحریر ی جواب میں بتایا کہ گڈس اینڈ سروسز ٹیکس کونسل نے چھوٹے کاروباری اداروں کے ذریعہ ریٹرن فائل کرنے کے عمل کو آسان کردیا ہے ۔جی ایس ٹی کونسل نے 21 جولائی 2018 کو ہونے والے اپنے 28 ویں اجلاس میں ریٹرن داخل کرنے کے نئے طریقوں کی اصولی منظوری اور چھوٹے کاروبار کے قانون میں تبدیلی کی منظوری دے دی تھی۔وہ چھوٹے کاروباری جن کا سالانہ کاروبار پچھلے مالی سال کے دوران 5 کروڑتک رہا ہے ، انہیں سہ ماہی ریٹرن داخل کرنے کی سہولت حاصل ہوگی ۔اس کے ساتھ ہی ٹیکس کی ماہانہ ادائیگی کا اپنے طور سے اعلان کیا جانا اس کے لئے ضروری ہوگا۔ ایسے ٹیکس دہندگان کے لئے ریٹرن داخل کرنے کے سہل بنائے گئے طریقوں کو سہج اور سگم کا نام دیا گیا ہے ۔
گڈس اینڈ سروسز ٹیکس نیٹ ورک (جی ایس ٹی این ) میں ریٹرن داخل کرنے کا نیا نظام صارف کے ساتھ گفتگو، کاروباری سراغ رسی اور تجزیہ کاری میں بہتری پر توجہ مرکوز کی جائے گی۔ جی ایس ٹی کے تحت ریٹرن داخل کرنے کے لئے آف لائن طریقوں میں بھی بہتری پیدا کئے جانے پر کام کیا جارہا ہے ۔فارم جی ایس ٹی آر -3 –بی کو بھی آسان اورصارف دوست بنادیا گیا ہے ۔ اس کے ساتھ ہی ٹیکس دہندگان کو صرف ایک بٹن دباکر 0 ریٹرن داخل کرنے کی بھی سہولت دستیاب کرائی گئی ہے۔ مزید برآں جی ایس ٹی این پیداوار ی تجزیہ کاری ،اعدادوشمار کی یکجائی جیسے امور سے متعلق کاروباری سراغ رسی اور تجزیہ کاری پر کام کیا جارہاہے۔
