نئی دہلی: ٹیکسٹائلس اور اطلاعات ونشریات کی مرکزی وزیر محترمہ اسمرتی زوبن ایرانی نے آج گریٹر نوئیڈا میں انڈیا ایکسپو سینٹر اینڈ مارٹ میں ہوم ایکسپو انڈیا -2018 کے ساتویں ایڈیشن کا افتتاح کیا۔ ایکسپو کا افتتاح کرتے ہوئے محترمہ ایرانی نے ایکسپورٹ پروموشن کونسل فار ہینڈی کرافٹس (ای پی سی ایچ) کی دستکاری کے شعبے کے فروغ اور ترقی کے لئے کئے گئے نئے اقد امات کی ستائش کی۔ انہوں نے پائیدار اور ماحولیات دوست مصنوعات کے لئے ای پی سی ایچ کی ورکش (وی آر آئی کے ایس ایچ) پہل کی بھی ستائش کی۔
وزیر موصوفہ نے انڈیا ایکسپو سینٹر اینڈ مارٹ میں اکیڈمی آف کنونشن، ٹریڈ فیئر ، ایونٹ ریسرچ اینڈ منیجمنٹ کا بھی دورہ کیا۔ یہ ہندوستان کا پہلا انسٹی ٹیوٹ ہے جو ٹریڈ فیئر اور کنونشن منیجمنٹ سے متعلق پیشہ ورانہ تعلیم دیتا ہے۔
ای پی سی ایچ کے زیر اہتمام منعقدہ اس تین روزہ ایکسپو میں 700سے زیادہ شرکاء حصہ لے رہے ہیں، جو کہ ملک بھر کے مینوفیکچرنگ مراکز سے تعلق رکھنے والے مختلف قسم کے ایگزی بیٹروں کی نمائندگی کررہے ہیں، جس میں خاص طور پر شمال مشرقی خطے پر توجہ مرکوز کی گئی ہے۔
