دوسرے مرحلے میں اترپردیش کے 8 لوک سبھا حلقوں میں رائے دہندگان کی تعداد 1.4 کروڑ

عام انتخابات 2019 کے دوسرے مرحلے میں اترپردیش کے جن 8 پارلیمانی حلقوں میں ووٹ ڈالے جانے ہیں، وہاں حتمی الیکٹورل رول کے مطابق رائے دہندگان کی کُل تعداد 14076635 ہے۔ اس مرحلے میں جن پارلیمانی حلقوں میں ووٹ ڈالے جانے ہیں، وہ حلقے ہیں: نگینہ، امروہہ، بلند شہر، علی گڑھ، ہاتھرس، متھرا، آگرہ اور فتح پور سیکری۔

سی ای او (اترپردیش) کی ویب سائٹ پر آج جاری کئے گئے اعداد و شمار کے مطابق دوسرے مرحلے کے انتخابات کے لئے رائے دہندگان کی کُل تعداد 14076635 ہے، جن میں 7583431 مرد اور 6492326 خواتین رائے دہندگان ہیں۔ ان 8  سیٹوں میں آگرہ سب سے بڑا پارلیمانی حلقہ ہے، جہاں رائے دہندگان کی تعداد 1904706 ہے، جبکہ نگینہ سب سے چھوٹا پارلیمانی حلقہ ہے، جہاں رائے دہندگان کی تعداد 1574994 ہے۔

ای سی آئی کی ویب سائٹ پر دستیاب اعداد  و شمار سے یہ ظاہر ہوتا ہے کہ 2014 کے سابقہ عام انتخابات میں ان 8 پارلیمانی حلقوں میں رائے دہندگان کی کُل تعداد 13403734تھی۔ اس کا مطلب یہ ہے کہ گزشتہ عام انتخابات کے مقابلے اس بار رائے دہندگان کی تعداد میں 672901 (5.09 فیصد) کا اضافہ ہوا ہے۔

دوسرے مرحلے  میں مجوزہ اور سابقہ 2 عام انتخابات میں    رائے دہندگان کی تعداد سے متعلق  اعداد و شمار کی تفصیلات حسب ذیل ہیں:

ذریعہ – ای سی آئی ویب سائٹ

*سی ای او (اترپردیش) ویب سائٹ

اترپردیش کے سبھی 80 لوک سبھا حلقوں میں رائے دہندگان  ( غیر مقیم ہندوستانی رائے دہندگان اور فوجی رائے دہندگان  اس کے علاوہ ہیں )کی کُل تعداد  144061892 ہے۔ موجودہ عام انتخابات 2019 میں ریاست میں 7 مراحل میں پولنگ ہونی ہے۔ پہلے مرحلے میں 8 لوک سبھا حلقوں میں 11؍اپریل 2019 کو پولنگ ہو چکی ہے، جبکہ دوسرے مرحلے میں 18 اپریل 2019 کو ووٹ ڈالے جانے ہیں۔