نئی دہلی،؍جون،دیہی ترقیات کی وزارت نے 19 جون 2017 کو ایک تقسیم ایوارڈ تقریب کا انعقاد کیا۔ اس پروگرام میں دیہی ترقیات کی وزارت کے ذریعے نافذ کئے جارہے مختلف پروگراموں کی حصولیابیوں کی نمائش کی گئی۔ اس تقریب میں ان ریاستوں، اداروں اور سرکاری عملے کو جنہوں نے مختلف اسکیموں کے تحت قابل تعریف کام کیا ہے، انہیں انعامات سے نوازا گیا۔جیو-منریگا کے تحت آبی تحفظ سے متعلق ایک مختصر فلم بھی دکھائی گئی۔ پردھان منتری آواس یوجنا کے تحت مدھیہ پردیش کی ایک سو سالہ قبائلی خاتون جدیا بائی کے تعمیر شدہ مکان اور گلورکار شان کے ذریعے پی ایم جی ایس وائی کے تعلق سے گائے گئے ایک اڈیو ویزول نغمے کی بھی نمائش کی گئی۔ دیہی ترقیات کے وزیر نے منریگا سے متعلق شہریوں پر مرکوز ایک موبائل ایپ بھی لانچ کیا ہے۔ یہ موبائل ایپ منریگا پروگرام کے مختلف پہلوؤں سے متعلق اطلاعات دستیاب کرانے کی اہلیت رکھتا ہے۔ دیہی ترقیات کا محکمہ اپنے پروگراموں میں اطلاعات اور خلائی ٹیکنالوجی کا بکثرت استعمال کرتا ہے اور میری سڑک اور آواس موبائل ایپ کے بعد جن- منریگا شہریوں پر مرکوز اقدامات پر مشتمل ایک تیسرا موبائل ایپ ہے۔
مختلف پروگراموں کے تحت مجموعی طور پر 144 ایوارڈ تقسیم کئے گئے ۔ منریگا کےتحت روزی روٹی کمانے کے پائیدار ذرائع، شفافیت اور جواب دہی ، آدھار کی تیاری، کنورژن اور جیو-منریگا کے سلسلے میں ایوارڈز دیئے گئے۔ پردھان منتری گرام سڑک یوجنا کے تحت سب سے زیادہ دیہی سڑکوں کیلئے بہار کو اور غیر روایتی تعمیراتی میٹریل کے استعمال کیلئے مدھیہ پردیش کو ایوارڈ سے نوازا گیا۔ ہریانہ، گجرات اور کرناٹک کو پی ایم جی ایس وائی (مرحلہ ایک اور دو) کے 95 فیصد سے زیادہ اہداف کی تکمیل کیلئے خصوصی انعام سے نوازا گیا۔ پی ایم اے وائی-جی کے تحت ان ریاستوں کو ایوارڈ سے نوازا گیا جنہوں نے مختلف معیارات کے معاملے اچھی کارکردگی کا مظاہرہ کیا۔ ان میں سینٹرل بلڈنگ ریسرچ انسٹی ٹیوٹ ، روڑکی شامل ہے جو مکانوں کی نقشہ سازی کے سلسلے میں تکنیکی تعاون دستیاب کراتا ہے۔ اسی طرح سے تکنیکی تعاون کیلئے دیہی ترقیات کے محکمے کی این آئی سی ٹیم اور جدت طرازانہ تکنیک کے استعمال میں قابل قدر تعاون کیلئے یو این ڈی پی کے مشیر اور بزرگ شہری ڈاکٹر پربیر کمار کو بھی نوازا گیا۔ وہ 9 ضلع کلکٹر جنہوں نے پی ایم اے وائی-جی مکانات کی سب سے زیادہ تعداد میں تعمیر مکمل کرائی، انہیں بھی ایوارڈ سے نوازا گیا۔ ایک اہم بات یہ ہے کہ ان 9 ضلع کلکٹروں میں سے پانچ ضلع کلکٹر اڈیشہ ہیں۔
نیشنل ریسورس تنظیموں، ریاستی دیہی روزگار مشنوں اور پنجاب نیشنل بینک، اسٹیٹ بینک آف انڈیا، الہ آباد بینک، انڈین اوورسیز بینک، یوکو بینک، سینٹرل بینک آف انڈیا اور آئی سی آئی سی آئی بینک کو ایوارڈ دیئے گئے۔ مختلف زمروں کےتحت جن ریاستوں کو ایوارڈ سے نواز اگیا ان میں آندھراپردیش، تلنگانہ، کیرالہ، چھتیس گڑھ ،جھارکھنڈ، اڈیشہ، مدھیہ پردیش، راجستھان، بہار، کرناٹک اور مغربی بنگال کے نام شامل ہیں۔ فروغ ہنرمندی زمرے کے تحت بہترین کارکردگی کا مظاہرہ کرنے والی ریاستوں، بہترین چمپئن آجرین اور بہترین تربیتی شراکت داروں کو ایوارڈس دیئے گئے ہیں۔
نیشنل رورل لائیولی ہوڈ مشن کی اہم حصولیابیوں کے سلسلے میں ایک پرزنٹیشن بھی دیا گیاجسے انڈین انسٹی ٹیوٹ آف رورل منیجمنٹ، آنند نے تیار کیا تھا۔ اس تجزیاتی رپورٹ میں اس پروگرام کے مضبوط پہلوؤں کو نمایا کیا گیا اور اس پروگرام کو مزید مضبوط کرنے اور اسے پورے ملک میں وسعت دینے کیلئے متعدد مشورے پیش کئے گئے۔
دیہی ترقیات کے وزیر مملکت جناب رام کرپال یادو نے ایوارڈز حاصل کرنےو الوں کو مبارک باد دی اور دیہی ترقیات سے متعلق پروگراموں کے کامیاب نفاذ کیلئے ادارہ جاتی شراکت داری کے رول کو نمایا کیا ہے۔ دیہی ترقیات کے وزیر مملکت جناب نریندر سنگھ تومر نے ایوارڈ یافتگان کو مبارک باد دی۔ انہوں نے اس پروگرام کے نفاذ میں حکومت کے ذریعے کی گئی بڑی تبدیلیوں کو نمایاں کیا ہے۔ انہوں نے اشارہ دیا کہ حکومت نے منریگا کی تشکیل نو کے عمل کی تکمیل کرلی ہے۔ دیہی غریبوں کے وسائل جاتی بنیادوں کو تقویت دینے کیلئے بارش کے پانی کو جمع کرنے، پانی کے تحفظ اور زراعت نیز اس سے متعلقہ سرگرمیوں کے لئے سرمایہ کاری سلسلے وار طریقے سے کی جاری ہے۔ پی ایم اے وائی-جی اور سی ایم جی ایس وائی کے تحت 2019 تک کے اہداف کا تعین کیا گیا ہے اور ان اہداف کی تکمیل کیلئے ریاستوں کو مالی امداد دستیاب کرانے کیلئے حکومت مکمل طور پر پابند عہد ہے۔ انہوں نے موبائل اپلیکشنوں کے ذریعے پروگراموں کی نگرانی اور اس سلسلے میں شہریوں کا ڈیبیٹ حاصل کرنے میں اطلاعاتی ٹیکنالوجی اور خلائی ٹیکنالوجی کے استعمال پر زور دیا۔ جناب تومر نے محکمے کے مختلف پروگراموں کے تحت روزگار کی تخلیق کا ذکر کیا۔ خاص طور پر انہوں نے دیہی نوجوانوں کو باہنر بنانے اور ان کیلئے ہنرمندانہ روزگار کے مواقع کی تخلیق پر روشنی ڈالی۔ انہوں نے دیہی علاقوں میں رہنے والے لوگوں کو جن چیلنجوں کا سامنا کرنا پڑتا ہے ان کا خصوصیت کے ساتھ ذکر کیا اور ریاستوی حکومتوں ، سرکاری اہلکاروں اور دیگر متعلقین سے اپیل کی کہ وہ ان چیلنجوں پر قابو پانے اور دیہات میں رہنے والے لوگوں کو بہتر سہولتیں دستیاب کرانے کیلئے مل جل کر کام کریں۔
