نئیدہلی ۔کامرس وصنعت اور شہری ہوابازی کے مرکزی وزیر سریش پربھو آر سی ای پی کے رکن ممالک کے ، تجارت کے وزیروں کی میٹنگ میں شرکت کرنے والے وفد کی قیادت کررہے ہیں۔ اس میٹنگ کا انعقاد 12 اور 13 نومبر 2018 کو سنگا پور میں کیا جائے گا۔
علاقائی جامع اقتصادی شراکت داری آر سی ای پی ایک معاہدہ ہے ، جس میں اشیا، خدمات ، سرمایہ کاری ، اقتصادی اورتکنیکی تعاون ، مقابلہ آرائی اوردانشورانہ حقوق املا ک بھی شامل ہیں ۔آر سی ای پی کے 6 ممبر ملکوں کے تجارتی وزیر مقرر ہ نشانوں کو پورا کرنے کی سبھی کوششوں کو جاری رکھنے کے مقصد سے سنگاپور میں میٹنگ کررہے ہیں۔اعلیٰ مذاکرات کاروں نے پچھلے مہینے کی نیوزی لینڈ کے شہر آکلینڈ میں 24 ویں دور کی میٹنگ کا اختتام کیا تھا ۔
بھارت کا جنوب مشرق ایشیائی ملکوں کی ایسوسی ایشن (آسیان ) ، جاپان اورجنوبی کوریا کے ساتھ ایک آزادتجارت کا پہلے ہی معاہدہ ہوچکا ہے اور وہ اب آسٹریلیا اورنیوزی لینڈ کے ساتھ بھی اسی طرح کے معاہدوں کے سلسلے میں بات چیت کررہا ہے ۔
آر سی ای پی کے ارکان نے 10 آسیان ارکان برونئی ، کمبوڈیا ، انڈونیشیا ، ملیشیا ، میانما ،سنگاپور ، تھائی لینڈ اور فلیپنز ، لاؤس اورویتنام شامل ہیں ۔ نیز بھارت ،چین ، جاپان ، جنوبی کوریا ، آسٹریلیا اورنیوزی لینڈ 6 آزاد شراکت دار شامل ہیں ۔
وزارتی میٹنگ کے بعد 14 نومبر 2018 کو سنگا پور میں دوسری آر سی ای پی رہنماؤں کی سربراہ میٹنگ ہوگی۔
