نئی دہلی۔ ؍اکتوبر۔صدر جمہوریہ ہند جناب رام ناتھ کووند ، نائب صدر جمہوریہ جناب وینکیانائیڈو اور وزیراعظم جناب نریندر مودی نے آج سردار ولبھ بھائی پٹیل کے یوم پیدائش کے موقع پر نئی دہلی کے پٹیل چوک پر سردار پٹیل کے مجسمے پر گلہائے عقیدت نذر کیے۔
وزیراعظم نے بعد میں میجر دھیان چند نیشنل اسٹیڈیم سے ’رن فار یونٹی‘ کو ہری جھنڈی دکھاکر روانہ کیا۔
اس موقع پر اظہار خیال کرتے ہوئے وزیراعظم نے سردارولبھ بھائی پٹیل کے خاص طور پر قوم کے اتحاد میں تعاون کو یاد کیا۔
وزیراعظم نے زور دیکر کہا کہ بھارت کے نوجوان سردار پٹیل اور ہماری قوم کی تعمیر میں ان کے تعاون کا احترام کرتے ہیں۔
وزیراعظم نے کہا کہ بھارت اپنے تنوع پر فخر کرتا ہے اور رن فار یونٹی جیسے مواقع اس فخر اور اتحاد کے جذبے کو دوبارہ بیدار کرنے کا ایک موقع فراہم کرتے ہیں۔
جناب نریندر مودی نے سابق وزیراعظم محترمہ اندراگاندھی کو بھی یاد کیا جن کی برسی بھی آج منائی جارہی ہے۔
وزیراعظم نے اس تقریب میں شرکت کرنےو الوں کو حلف دلایا۔
