نئی دہلی، نائب صدر جمہوریہ ہند جناب ایم وینکیا نائیڈو نے آج سابق صدر جناب پرنب مکھرجی کے انتقال پر گہرے غم کا اظہار کیا ہے۔اپنے پیغام میں انہوں نے کہا کہ جناب مکھرجی ایک سیاست داں اور بھارت کے ایک بہترین بیٹے تھے۔وہ جس عہدے پر بھی رہے اسی کو وقار اور شائستگی بخشی ہے۔ جناب وینکیا نائیڈو نے کہا کہ ان کے انتقال سے بھارت نے ایک بہترین لیڈر کو کھو دیا ہے۔
نائب صدر کے پیغام کا مکمل متن درج ذیل ہے:
‘‘مجھے سابق صدر جناب پرنب مکھرجی کے انتقال کی خبر سن کر گہرا دکھ ہوا ہے۔ ایک سیاست داں اور بھارت کے بہترین بیٹے تھے۔ انہوں نے بہت ہی معمولی حیثیت سے اپنی سخت محنت ، ڈسپلن اور لگن کے ذریعہ ملک کا اعلی ترین آئینی مقام حاصل کیا۔
جناب پرنب مکھرجی اپنی طویل اور نمایاں عوامی خدمت کے دوران جن عہدے پر رہے، ان کو انہوں نے وقار اور شائستگی بخشی۔اپنی انتظامی معاملہ فہمی اور بھارت کے پارلیمانی نظام کی گہری سمجھ کے لئے معروف جناب پرنب مکھرجی نے وزیر خزانہ، وزیر دفاع، امور خارجہ کے وزیر، پلاننگ کمیشن کے ڈپٹی چیئرمین سمیت کئی اہم عہدوں پر فائز رہے۔ صدر جمہوریہ کے طور پر انہوں نے راشٹرپتی بھون میں اختراعی پروگراموں میں شرکت کے لئے لوگوں کی حوصلہ افزائی کی۔ پارلیمانی طریقہ کار، عصری سیاسی اور دیگر معاملات کے وہ انسائکلو پیڈیا تھے اور وہ اپنی علمی فضیلت کے لئے مشہور تھے۔ وہ ایک بہترین رکن پارلیمنٹ تھے اور بہترین مکرر ہے۔ ان کی یاد داشت زبردست تھی اور مسائل کو فوری طور پر سمجھنے کی زبردست صلاحیت رکھتے تھے۔ انہوں نے جمہوریت کی جڑوں کو گہرا بنانے اور مختلف اداروں کو مستحکم کرنے میں بہت زیادہ دلچسپی لی۔ وہ سب کے لئے قابل قبول عزیز شخصیت تھے اور انہوں نے سیاست سے اوپر اٹھ کر سبھی سے اچھے تعلقات بنائے رکھے۔
ان کے انتقال سے بھارت نے ایک بہترین لیڈر کو کھو دیا ہے۔ میں ان کے غم زدہ ارکان خاندان کے تئیں گہری تعزیت کا اظہار کرتا ہوں اور ایشور سے پراتھنا کرتا ہوں کہ انہیں اس زبردست نقصان کو برداشت کرنے کی طاقت اور ہمت عطا کرے’’۔
