نئی دلّی: وزیر اعظم جناب نریندر مودی کل یعنی 29 دسمبر کو اتر پردیش کے وارانسی اور غازی پور کا دورہ کریں گے ۔ اپنے دورے کے دوران وہ وارانسی میں ساؤتھ ایشیا ریجنل سینٹر ( آئی ایس اے آر سی ) کے کیمپس میں چھٹے انٹر نیشنل رائس ریسرچ انسٹی ٹیوٹ کوقوم کے نام وقف کریں گے اور وارانسی میں دین دیال ہستھ کلا سنکل میں ون ڈسٹرکٹ ، ون پروڈکٹ ریجنل سمٹ میں شرکت کریں گے ۔ غازی پور میں وزیر اعظم مہاراجہ سہیل دیو کی یاد میں ایک یادگاری ڈاک ٹکٹ جاری کریں گے اور ایک عوامی ریلی سے بھی خطاب کریں گے ۔
وزیر اعظم وارانسی میں نیشنل سیڈ ریسرچ اینڈ ٹریننگ سینٹر ( این ایس آر ٹی سی ) کے کیمپس میں انٹر نیشنل رائس ریسرچ انسٹی ٹیوٹ ( آئی آر آر آئی ) ، ساؤتھ ایشیا ریجنل سینٹر کو قوم کے ن ام وقف کریں گے ۔ یہ ساؤتھ ایشیا ا ور سارک خطے میں چاول کے تحقیق اور تربیت کے سلسلے میں ایک ہب کے طور پر کام کرے گا ۔ توقع ہے کہ مشرقی بھارت میں پہلا بین الاقوامی سینٹر خطے میں چاول کی پیداوار کو کنٹرول کرنے اور بر قرار رکھنے میں ایک اہم رول ادا کرے گا ۔
بھارت کا آئی آر آر آئی سے تعلق 1960 سے ہے ،وزیر اعظم نریندر مودی فلیپین میں منیلا میں نومبر ، 2017 میں آئی آر آر آئی کے ہیڈ کوارٹرز کا دورہ کرنے والے پہلے بھارتی وزیر اعظم ہیں ، جہاں انہوں نے چاول کے شعبے میں جدید تحقیق اور زرعی اختراعات کے سلسلے میں تبادلہ خیال کیا ۔
جناب مودی وارانسی میں دین دیال ہستھ کلا سنکل ( ٹریڈ فیسیلٹی سینٹر اینڈ کرافٹ میوزیم ) میں ون ڈسٹرکٹ ، ون پروڈکٹ ریجنل سمٹ میں شرکت کریں گے ۔
