نئی دہلی: ۔تہذیب و ثقافت کے وزیرمملکت ڈاکٹر مہیش شرما16-17 مئی 2018 کو چین کے صوبہ ہنن کے سانیا میں منعقدہ شنگھائی تعاون آرگنائزیشن (ایس سی او) کے رکن ممالک کے وزرائے ثقافت کی 15 ویں میٹنگ میں شرکت کرنے و الے ہندوستانی وفد کی قیادت کی۔ ہندوستان نے پہلی بار ایس سی او کے وزرائے ثقافت کی میٹنگ میں شرکت کی ہے۔
تہذیب وثقافت کے وزیرمملکت ڈاکٹر مہیش شرما نے میٹنگ میں خطاب کرتے ہوئے کہا کہ ہندوستان کے چین اور ایس سی او کے دوسرے رکن ممالک کے ساتھ تہذیبی تبادلے کی طویل تاریخ ہے۔انہوں نے کہا ا یس سی ا و میں شریک ہونے سے تہذیبی تبادلے اور تعاون کے لئے نیا پلیٹ فارم، وسیع جگہ اور مواقع حاصل ہوئے ہیں۔
ڈاکٹر مہیش شرما نے ان ملکوں کے عوام کو ایک جگہ لانے میں تہذیب وثقافت کے کردار پر روشنی ڈالی۔انہوں نے کہا کہ یہ انسانیت کے پرامن بقائے باہم کے فروغ میں ایک اہم طاقت ہے۔ انہوں نے مزید کہا کہ ہندوستان اور چین دونوں کے لئے مفاد کی حالت ہوگی کیونکہ دونوں ہی ملک متنوع تہذیبی وثقافت کی دولت سے مالا مال ہے۔ تہذیبی وثقافت کے تبادلے اور تعاون کے مواقع تلاش کرنے ہوں گے جن میں سیاحت، تعلیم، سائنس، آرکیا لوجی، موسیقی، رقص اور ڈرامہ یہاں تک کے یوگا بھی شامل ہوسکتا ہے۔
شنگھائی تعاون آرگنائزیشن کی میٹنگ میں تبادلہ خیال کا مرکز کثیر سطحی تہذیبی تعاون کو مزید فروغ دینے اور علاقائی تہذیبی وتعاون کے فروغ کے علاوہ عوام کے درمیان باہمی افہام وتفہیم کو فروغ دینے پر تھا۔
میٹنگ کے تمام شرکاء نے ایس سی اورکن ممالک کے درمیان تہذیبی تعاون پر اتفاق کیا کیونکہ گزشتہ برسوں کے درمیان اس میں قابل ذکر پیش رفت ہوئی ہے اور میٹنگ میں متنوع تبادلے اور تعاون سے متعلق رپورٹیں پیش کی گئی جن سے واضح طور پر یہ ظاہر ہوتا ہے کہ باہمی اور کثیر سطحی تعاون میں کافی گہرائی اور وسعت آئی ہے۔
دو روزہ میٹنگ 2018-20 ایگزیکٹیو منصوبے کے اجراء کے ساتھ اختتام پذیر ہوئی۔ رکن ممالک کے نمائندوں نے شنگھائی تعاون آرگنائزیشن میں ہندوستان اور پاکستان کاخیرمقدم کرنے سے متعلق خبروں میں شرکت کی اورایس سی او کے رکن ممالک کے درمیان براہ راست رابطے اور تہذیبی اداروں کے عملی تبادلے کی حوصلہ افزائی کے علاوہ اور تہذیبی پیداوار اور کاموں میں شرکت کی بات کہی۔
ہندوستان ایس سی او کے اس سربراہ کانفرنس میں جو 9 جون2017 کو قزقستان کے آستانہ میں منعقد ہوئی تھی۔ ایس سی او کا مکمل رکن بنا تھا۔ اس سربراہ کانفرنس میں وزیراعظم جناب نریندر مودی نے کہا تھا کہ علاقائی اور عالمی تناظر میں شنگھائی تعاون آرگنائزیشن امن اور سلامتی کے اہم ستون میں سے ایک بن گیا ہے۔
ہندوستان ایس سی او کے ذریعہ چلائی جارہی ثقافتی کارروائیوں میں شرکت کرتا رہا ہے۔ جیسے ایس سی او۔ یونیسکو کی مجوزہ نمائش کے لئے عالمی وراثتی مقام کے لئے نمائندگی۔ یہ نمائش ستمبر 2018 میں پیرس میں منعقد ہوگی۔ اس سلسلے میں ایس سی او اور یونیسکو کے درمیان ایک مفاہمتی نامے پر دستخط کئے ہے۔
