نئی دلّی: کلچر کے مرکزی وزیر مملکت ( آزادانہ چارج ) جناب پرہلاد سنگھ پٹیل نے آج نئی دلّی میں تہذیبی ثقافتی وراثت ( آئی سی ایچ ) کی قومی فہرست جاری کی ۔ اس موقع پر اظہارِ خیال کرتے ہوئے جناب پٹیل نے کہا کہ بھارت میں منفرد تہذیبی ثقافتی وراثت کی وسیع تعداد ہے ، جن میں سے 13 کو یونیسکو نے انسانیت کی تہذیبی ثقافتی وراثت قرار دیا ہے ۔ آئی سی ایچ کی قومی فہرست بھارتی ثقافت کی گوناگونیت کو تسلیم کرنے کی کوشش ہے ، جو اس کی وراثت میں پیوست ہے ۔ انہوں نے کہا کہ اِس کا مقصد بھارت کی مختلف ریاستوں کی منفرد تہذیبی ثقافتی عناصر کو ملک اور بین الاقوامی سطح پر فروغ دینا ، اُن کے بارے میں بیداری پیدا کرنا اور اُن کے تحفظ کو یقینی بنانا ہے ۔ یہ پہل کلچر کی وزارت کے ویژن 2024 کا بھی ایک حصہ ہے ۔
تہذیبی ثقافتی وراثت کے تحفظ کے لئے 2003 ء کی یونیسکو کنونشن کے بعد اِس فہرست کو پانچ وسیع حصوں میں تقسیم کیا گیا ہے ، جس میں تہذیبی وراثت کو پیش کیا گیا ہے :
- زبانی روایات اور اظہار ، جس میں زبان کو تہذیبی ثقافتی وراثت کے ذریعے کے طور پر شامل کیا گیا ہے ۔
- پرفارمنگ آرٹ
- سماجی رسوم ، رواج اور تہوار وغیرہ
- فطرت اور کائنات سے متعلق علم اور پریکٹس
- روایتی دست کاری
اس فہرست میں ، جن چیزوں کو شامل کیا گیا ہے ، اُنہیں ” بھارت کی تہذیبی ثقافتی وراثت اور متنوع ثقافتی روایات کا تحفظ ” کی اسکیم کے تحت 2013 ء میں کلچر کی وزارت کے ذریعے منظور کردہ پروجیکٹوں سے لیا گیا ہے ۔ اب تک اِس فہرست میں 100 سے زیادہ عناصر شامل ہیں ۔ ان میں بھارت کے ، وہ 13 عناصر میں شامل ہیں ، جنہیں یونیسکو پہلے ہی انسانیت کی تہذیبی ثقافتی وراثت کی نمائندہ فہرست میں شامل کر چکا ہے ۔
یہ قومی فہرست تیاری کے مراحل میں ہے اور اسے ایک مسودہ کے طور پر سمجھا جا سکتا ہے ۔ کلچر کی وزارت مسلسل اِسے اَپ ڈیٹ کرنے کی کوششیں کر رہی ہے ۔ اِس لئے تمام فریقوں اور تہذیبی ثقافتی وراثت کے مختلف متعلقہ ماہرین سے اِس فہرست کے لئے مشورے / تعاون / ترمیم کا خیر مقدم ہے ۔ اس سلسلے میں کلچر کی وزارت سے کس طرح رابطہ قائم کیا جائے ، اس بارے میں معلومات کلچر کی وزارت کی ویب سائٹ https://www.indiaculture.nic.in/national-list-intangible-cultural-heritage-ich پر دستیاب ہے ۔
یہ امید کی جاتی ہے کہ ماہرین اور یونیسکو جیسے دیگر فریقوں کے مشورے سے یہ فہرست بھارت کی آئی سی ایچ انوینٹری کو مضبوط کرنے میں مدد دے گی ، جو یونیسکو کی تہذیبی ثقافتی وراثت کی فہرست میں شمولیت کے لئے ایک عارضی فہرست کے طور پر کام کرے گی ۔
کلچر کی وزارت اس فہرست کی تیاری میں سنگیت ناٹک اکادمی اور اندرا گاندھی نیشنل سینٹر فار دی آرٹس ( آئی جی این سی اے ) کے تعاون کا شکریہ ادا کرتی ہے ۔ وزارت ” بھارت کی تہذیبی ثقافتی وراثت اور متنوع ثقافتی روایات کا تحفظ ” کے تحت تحقیق کرنے والوں کا بھی شکریہ ادا کرتی ہے ، جنہوں نے اِس فہرست میں زبردست تعاون کیا ہے ۔
